პროდუქტის დაბრუნებისა და გაცვლის პირობები

1. შესავალი

წინამდებარე პირობები წარმოადგენს იურიდიულად მბოჭავ ხელშეკრულებას მომხმარებელსა და შპს „თეგ ენდ თრექ“-ს (ს/კ: 405802458, შემდგომში - „Tagy“) შორის. წინამდებარე დოკუმენტი არეგულირებს ვებ-გვერდზე https://Tagy.ge პროდუქტის შეძენისა და მისი დაბრუნება/გაცვლის წესებს.

2. პროდუქტის დაბრუნების/გაცვლის საფუძვლები

მომხმარებელს უფლება აქვს დააბრუნოს ან გაცვალოს 50 (ორმოცდაათ) ლარზე მეტი ღირებულების პროდუქტი (გაითვალისწინება ფაქტობრივად გადახდილი თანხა ფასდაკლების შემდეგ), თუ:

• პროდუქტი არ შეესაბამება შეკვეთას ან ვებ-გვერდზე განთავსებულ აღწერას;

• პროდუქტს აქვს აშკარა ნაკლი/დეფექტი, რაც შეუძლებელს ხდის მის დანიშნულებით გამოყენებას;

• პროდუქტი დაზიანდა ტრანსპორტირების პროცესში;

• პროდუქტი შეძენილია დისტანციურად (საქართველოს კანონმდებლობით გათვალისწინებული 14-დღიანი უპირობო დაბრუნების უფლება).

2.1. ვადები და პირობები

• დაბრუნება/გაცვლა შესაძლებელია პროდუქტის მიღებიდან 14 კალენდარული დღისგანმავლობაში.

• მტკიცების ტვირთი ზემოაღნიშნული გარემოებების არსებობის შესახებ ეკისრება მომხმარებელს.

2.2. გამონაკლისი (როდის არ ბრუნდება პროდუქტი):

• გასულია კანონით დადგენილი 14-დღიანი ვადა;

• პროდუქტი დაზიანდა, განადგურდა ან დაკარგა სასაქონლო სახე მომხმარებლის მიერ მისი არასწორი გამოყენების შედეგად;

• მომხმარებელმა გამოიყენა პროდუქტი ისე, რომ შეუძლებელია მისი ხელახალი რეალიზაცია.

3. დაბრუნების/გაცვლის პროცედურა

3.1. მოთხოვნის რეგისტრაცია

მომხმარებელმა უნდა გამოაგზავნოს მოთხოვნა ელ-ფოსტაზე: hello@tagy.ge. წერილში მითითებული უნდა იყოს:

1. პროდუქტის დასახელება და შეკვეთის ნომერი;

2. გადახდის დამადასტურებელი ქვითარი;

3. პროდუქტის ფოტო (მდგომარეობის დასადასტურებლად);

4. მომხმარებლის სახელი და გვარი.

3.2. განხილვის ეტაპები

• ეტაპი 1: Tagy-ს მხარდაჭერის გუნდი 24 საათის განმავლობაში განიხილავს მოთხოვნას და აცნობებს მომხმარებელს გადაწყვეტილებას.

• ეტაპი 2: დასტურის შემთხვევაში, მომხმარებელი ვალდებულია პროდუქტი მიიტანოს ან გამოაგზავნოს სერვის-ცენტრში მისამართზე: თბილისი, დარიალის შესახვევი №8, I სართული, ბინა 3.

3.3. პროდუქტის წარდგენა

პროდუქტთან ერთად მომხმარებელმა უნდა წარადგინოს:

• საგარანტიო ტალონი (არსებობის შემთხვევაში);

• ორიგინალი შეფუთვა (ყუთი) და ყველა თანმხლები აქსესუარი/ატრიბუტი.

4. თანხის დაბრუნების წესი

დაბრუნების პროცესის დადებითად დასრულების შემთხვევაში:

• სრული გადახდისას: თანხა დაბრუნდება იმავე საბანკო ანგარიშზე, საიდანაც მოხდა გადახდა, დასტურიდან 7 კალენდარული დღის ვადაში.

• განვადებისას: უქმდება ბანკთან გაფორმებული ხელშეკრულება, ხოლო მომხმარებლის მიერ უკვე გადახდილი თანხა (ასეთის არსებობისას) ბრუნდება 7 კალენდარული დღის ვადაში.

• გაცვლისას: ახალი პროდუქტი მომხმარებელს მიეწოდება ძველი პროდუქტის დაბრუნებიდან 7 კალენდარული დღის განმავლობაში.

5. დასკვნითი დებულებები

ხელშეკრულებიდან გასვლა ავტომატურად იწვევს დამხმარე ხელშეკრულებების გაუქმებას და მხარეთა პირვანდელ მდგომარეობაში დაბრუნებას.

ვებ-გვერდით სარგებლობითა და პროდუქტის შეძენით, თქვენ ადასტურებთ, რომ გაეცანით და ეთანხმებით წინამდებარე პირობებსა და ჩვენს [კონფიდენციალურობის პოლიტიკას].